Reiselivskunnskap

Frå Vestlandsforsking sin wiki

Innhaldsliste

1 Innleiing
2 Kunnskapstest
3 Samfunn, geografi og samferdsle
4 Natur, mat og miljø
5 Attraksjonar
6 Arrangement
7 Bruk av (nett)tenester
8 Fasit!
9 Undersider

Innleiing

Desse sidene er oppretta for å vera støtte, dokumentasjon, hjelp og kunnskapsbase for «Heimekunnskap Sognefjord» eit tiltak for å styrke næringa sin kunnskap om Sognefjorden som attraksjon, laga av Vestlandsforsking som del av prosjektet Kvalitetssystem for å sikre profil som reisemål i verdsklasse og løyvd tilskot frå Sogn regionråd. Du som brukar er hjarteleg velkomen til å delta med innhald på desse sidene. Nøl ikkje, me brukar det same systemet som Wikipedia og du kan ikkje gjera noko gale (som ikkje lett kan rettast opp i). Registrer deg, logg inn og rett den feilen, eller klag på at ikkje ditt favorittemne er betre representert!

Kunnskapstest

Som del av dette opplegget er det laga ein kunnskapstest i form av ein quiz, den er i fire deler:

Når du tek kunnskapstesten, kan du sjå etter hjelp til å finne svar på spørsmåla her:

Samfunn, geografi og samferdsle

Nynorsk Wikipedia har ei god faktaside om Sogn og Fjordane, og tysk Wikipedia har ei god side som viser kommunane etter den gamle fogderiinndelinga.
Næringsbarometeret for Hordaland og Sogn og Fjordane omtalar den næringsmessige stoda og utsiktene framover.
I statistikkbanken til Statistisk sentralbyrå (SSB) kan du finna fram til all mogleg statstikk om både folketal, næring og utdanning. På statistikkbanken kan ein mellom anna hente ut statistikk om næringsverksemd ordna etter bedrifter eller utdanningsnivå, eller skattestatistikk.
Bokmålswikipediaen har ein grei artikkel om Flåmsbana.
Avinor har informasjon om flyplassane i Noreg, inkludert kart over flyplassar.
Hovudknutepunktet for ruteinformasjon for fylket er Ruteinfo der ein finn alle rutetabellane for buss og båt. Medan Widerøe har tabellane for flytrafikken og NSB har tabellane for togtrafikken. Alle rutene er også i utgangspunktet tilgjengelege på ruteplanleggjaren rutebok.no, men det er ikkje alltid den fungerar så bra.
NAV har god statistikk på sysselsettjing, trygd, jobbtilbod og -etterspurnad og sjukefråver.
Tips: Du kan enkelt konvertere NOK til andre valutaer med dagens kurs ved hjelp av Google. Du kan til dømes skriva "300000 NOK in EUR" (utan hermeteikn) i søkefeltet.

Natur, mat og miljø

Meteorologisk institutt har ei svært bra og omfattande teneste for verstatistikk kalla eKlima. Den er open for alle, men komplisert å bruka. Der kan du finne statistikk og rekordar for den lokale vermålestasjonen mange år tilbake. Yr har også statistikk for siste året.
Direktoratet for Naturforvaltning har god og lettfatteleg informasjon om allemannsretten. Fiskeridirektoratet har god og lettfatteleg informasjon om fiske.
Statens fiskekort og mange private fiskekort får ein kjøpt på inatur.no.

Attraksjonar

Sognefjord.com er ei vesentleg kjelde til informasjon om attraksjonar i Sognefjord-området. Nettstaden er basert på Tellusdatabasen som blir oppdatert av reisemålsselskapa.
Turistveg.no har informasjon om dei nasjonale turistvegane.
Wikipedia har mykje informasjon om både brear generelt og Jostedalsbreen spesielt.
Skald forlag i Leikanger har gjeve ut fleire turistbøker med mykje god informasjon om Jostedalsbreen, stavkyrkjer, Flåmsbana, Sognefjorden og Nærøyfjorden. Dei har også gjeve ut fleire lokalhistoriske bøker som kan vera av interesse. Selja forlag i Førde har også bøker med relevant informasjon om området, den mest populære og relevante er truleg Opptur Sogn og Fjordane. Dersom bedrifta di har eit bibliotek burde desse takast inn, bøkene er også tilgjengeleg for vidaresal.
Norsk Bremuseum gjev kvart år ut Breturkartet som har oversikt over aktørane som tilbyr breføring på Jostedalsbreen. Jostedal.com har mykje informasjon om tilbodet på Nigardsbreen.
World Waterfalls Database er ein god om enn kanskje ikkje komplett og nøyaktig ressurs med informasjon om fossar.
Wikipedia har ein omfattande artikkel om fjordar.
UNESCO har oversyn over verdsarvområde rundt om i verda, inkludert oppføringa for norske fjordar.
Fortidsminneforeningen har eigne sider om stavkyrkjene i Sogn og Fjordane og Riksantikvaren har også stavkyrkjesider.

Arrangement

Bruk av (nett)tenester

Ruteopplysning

Rutebok.no er den viktigaste sida for ruteinformasjon og -planlegging i Noreg. Her er det ruter for heile landet og alle transporttypar, inkludert fly og tog. Her kan ein også lage sine eigne rutetabellar. Tenesta er laga av Norsk Reiseinformasjon som også gjev ut rutene i bok-/katalogform.
Ruteopplysningen 177 har informasjon om ruteopplysning for heile landet. Her finn ein også telefonnummer for å ringa til ruteopplysninga i eit fylke ein ikkje oppheld seg i.
ruteinfo.net er ei teneste for Sogn og Fjordane som kan gje litt andre, nøyaktigare og meir oppdaterte resultat enn på rutebok.no. Her er det også eit oversyn over rutene for fylket som kan vera svært nyttig.
Fjord1 tilbyr varsling om driftsavvik på SMS.

Reiseplanlegging (bil)

Gulesider si kartteneste er svært omfattande og bra. Her kan ein ikkje berre leggje opp reiseruta si, men også sjå kvar det er fotoboksar, rundkøyringar og bomstasjonar. Når ein søker etter startpunkt og reisemål er det viktig å velje rett variant av det ein søker på, Leikanger kan vere både tettstaden i kommunen med same namn, kommunen eller tettstaden på kysten.
Alternativ til Gule sider si kartteneste er Google Maps eller Map24. Google Maps kan vera enklare å bruka og eventuelt meir fleksibel.
På Vegvesenet si side for vegmeldingar finn ein ut om fjellovergangane er opne og kva føre det er på dei. NRK har eit nyttig oversyn over trafikkmeldingar. Ein kan også ringe 175 for å få høyre vegmeldingar.
På Trafikkflyt finn du informasjon om trafikksituasjonen rundt om i landet.

Diverse

Telefonnummer til nesten alle personar, organisasjonar og verksemder finn ein lett på Telefonkatalogen.no.
Den beste tenesta for vermelding er yr.no. Der finn du kortidsmelding, langtidsmelding, historisk statistikk for alle stader i landet, badetemperaturar og pollenvarsel og du får utskriftsvennlege versjonar som kan hengast opp. Med statistikken kan du sjå korleis veret var i eitt år tilbake.

Fasit!

Du finn fasiten til kunnskapstesten på /fasit.